94                  TESTAMENTS ENREGISTRÉS AU PARLEMENT DE PARIS            (334)
cottes qu'il a encores devers soy; et pour ce a deschargié et descharge d'icelles choses ainsi données et distribuées par lui oà il lui a pleu Berthelemin Sebillon qui ycelles ou la greigneur partie avoit en garde, et l'en quicte à tousjours, et avecques ce tous ses familiers et serviteurs et tous autres à qui ce peut et doit appartenir, en voulant le don et distribucion qu'il en a fait estre et demourer bon et valable.
Item, il laissa à chascun de ses executeurs qui de son execucion s'en­tremettront cent solz Tournois-Item, ce present testament, et les exeques et funerailles du dit tes­tateur, et les appartenances et deppendences de ce paiez et acompliz, icellui testateur laissa au prieuré du dit lieu de Saint Eloy le résidu de tous ses biens meubles, tant vins, chevaux, utensiiles d'ostel, comme autres quelxconques, avecques toutes ses debtes, pour estre tournez et convertie es réparacions des maisons et lieux du dit prioré, et aussi pour estre tournez et convertiz ou prouffit et acroissement d'icelui prioré et du tresor du dit lieu, et afin qu'il soit acueilliz et participant es bienfaiz, prieres et oroisons du dit lieu.
Pour toutes lesquelles choses dessus dictes et chascune d'icelles faire, parfaire, entériner et acomplir deuement, le dit testateur list, ordena et establi ses executeurs et de foy commissaires, noble homme et sage, messire Pierre Boschet, conseillier du roy nostre sire et president en son Parlement, honnourables et discrètes personnes, maistre Jehan Ga­ntel, le dit messire Hugues Moulin et Pierre de Grés, auxquelx ensem­ble et à chascun d'eulx par soy et pour le tout il donna et octroya plain povoir, auctorité et mandement especial de faire et parfaire la dicte execucion, les appartenances et dependences, et tout ce que bons, vraiz et loyaux executeurs pevent et doivent faire. Es mains desquel x ses executeurs et de chascun d'eulx il se dessaisi et desvesti de tous ses biens, et les en saisi, et volt et consenti estre saisiz et vestus par l'ostension de ces presentes jusques à l'enterin acomplissement d'icelles, et rappela et rappelle par ces presentes tous autres testamens, codicilles ou orde-nances de derreniere voulenté par lui faiz avant le jour de huy, et voult et ordena que ce sien present testament vaille et tieigne par maniere